మనామా: బహ్రెయిన్‌లో ఇండియన్‌ ఎంబసీ, క్లాసికల్‌ డాన్స్‌ పెర్ఫామెన్స్‌ని బహ్రెయిన్‌ కల్చరల్‌ హాల్‌లో శనివారం సాయంత్రం 6.30 నిమిషాలకు నిర్వహిస్తోంది. ఈ ఈవెంట్‌ని భారత ప్రభుత్వం - మినిస్ట్రీ ఆఫ్‌ కల్చర్‌ అలాగే బహ్రెయిన్‌ అథారిటీ ఫర్‌ కల్చర్‌ అండ్‌ యాంటిక్విటీస్‌ సహకారంతో నిర్వహించబడ్తోంది. సంజీవ్‌ కుమార్‌ అగ్నిహోత్రి నేతృత్వంలోని టీమ్‌ కథక్‌ నృత్యాన్ని ప్రదర్శించనున్నారు. శివ వందన సహా పలు ఆకర్షణలు ఇందులో ఉంటాయి. కథక్‌, ఫోక్‌ స్టయిల్‌లో సంప్రదాయ హోలీ ఈ ఈవెంట్‌లో ప్రధాన ఆకర్షణ కానుంది. సంజీవ్‌ కుమార్‌ అగ్నిహోత్రి, థియేటర్‌ ఆర్ట్స్‌లో పోస్ట్‌ గ్రాడ్యుయేషన్‌ని భార్తేందు అకాడమీ ఆఫ్‌ డ్రమెటిక్‌ ఆర్ట్స్‌లో పొందారు. దీపా శశిధరన్‌ నేతృత్వంలో కూచిపూడి డాన్స్‌ కూడా ఈ ఈవెంట్‌లో ప్రధాన ఆకర్షణ కానుంది. కూచిపూడిలో అపార ప్రావీణ్యం ఉన్న మంజు భార్గవి వద్ద దీపా నారాయణన్‌ శశిధరన్‌ సంప్రదాయ నృత్యాన్ని నేర్చుకున్నారు.