ఈ మధ్య కాలంలో విక్టరీ వెంకటేష్ నటించిన సినిమాలు చాలా తక్కవుగా రిలీజ్ అవుతున్నాయి. అలాగే బాక్సాపీస్ వద్ద సైతం విక్టరీ వెంకటేష్ అంతగా అలరించలేకపోతున్నాడు. ఇదిలా ఉంటే త్వరలో వెంకటేష్ చేయబోతున్న సినిమా బాక్సాపీస్ వద్ద బ్లాక్ బస్టర్ సాధించటం ఖాయం అని అంటున్నారు. దీనికి సంబంధంచిన వివరాల్లోకి వెళితే, 'భలే భలే మగాడివోయ్' సినిమాతో దర్శకుడిగా మారుతికి వున్న క్రేజ్ ఒక్కసారిగా పెరిగిపోయింది. వెంకటేశ్ హీరోగా మారుతి తెరకెక్కించనున్న సినిమా ఈ నెల 15న పూజా కార్యక్రమాలు జరుపుకోనున్నట్టు తెలుస్తోంది. మొదటినుంచి కూడా మారుతికి మంచి క్రేజ్ ఏర్పడుతూ వస్తుంది. కేవలం యూత్ కి మాత్రమే కాకుండా, ఈ మధ్య కాలంలో ఫ్యామిలీ ఆడియన్స్ కి బాగా కనెక్టయ్యే సినిమాలు చేస్తూ వస్తున్నాడు. అందువల్లనే మారుతి సినిమాలకి మంచి క్రేజ్ వుంది. ఇక త్వరలోనే మారుతి, వెంకటేశ్ హీరోగా ఒక విభిన్నమైన కథను సిద్ధం చేసుకున్నాడు. గతంలో వీరిద్దరి కాంబినేషన్ కి సంబంధించిన మూవీ సెట్స్ మీదకు వెళ్ళే ముందు కథకి సంబంధించిన విషయంలో కాంట్రవర్సీగా మారి, షూటింగ్ ని నిలుపుకోవాల్సిన పరిస్థితి వచ్చింది. ఇప్పుడు కొత్త కథతో మారుతి, వెంకటేష్ కాంబినేషన్ మరోసారి పట్టాలెక్కనుంది. మారుతి రెడీ చేసుకున్న స్క్రీప్ట్ పక్కాగా ఉండటంతో, ఈ మూవీ కచ్ఛితంగా హిట్ ని సాధిస్తుందనే నమ్మకం మారుతి టీంలో ఉందట. అంతే కాకుండా ఈ మూవీ మంచి ఫ్యామిలీ ఎంటర్టైనర్ అని అంటున్నారు. భలే భలే మగాడివోయ్ లాంటి బ్లాక్ బస్టర్ తరువాత వస్తున్న సినిమా కావటంతో, ఫ్యామిలీ ఆడియన్స్ సైతం వీరిద్దరి కాంబినేషన్ పై మంచి ఎక్స్ పెక్టేషన్స్ పెట్టుకున్నారు. ఇక ఇందులో హీరోయిన్ గా నయనతారను సెలక్ట్ చేసుకున్నారు.