దుబాయ్:ఏమిరాతి వ్యక్తి ఒకరికి న్యాయస్థానం మూడేళ్ళ జైలు శిక్ష విధించింది. ఉజ్బెకిస్తాన్‌కి చెందిన గర్ల్‌ఫ్రెండ్‌పై అత్యాచారం చేసినట్లు నిందితుడిపై ఆరోపణలు నిరూపితమయ్యాయి. తన ఫ్లాట్‌లో బాధితురాలిపై అత్యాచారం చేసిన నిందితుడు, ఆమెను వివస్త్రగా చేసి, బయటకు గెంటివేశాడు. జనవరి 21న ఈ ఘటన చోటు చేసుకుంది. తన స్నేహితురాలి నుంచి వస్త్రాల్ని తీసుకుని, బాధితురాలు అక్కడినుంచి బయటపడింది. అనంతరం ఆమె అల్‌ ఖుసాయిస్‌ పోలీస్‌ స్టేషన్‌లో నిందితుడిపై ఫిర్యాదు చేసింది. జనవరి 27న నిందితుడ్ని పోలీసులు అరెస్ట్‌ చేశారు. సర్వైలెన్స్‌ కెమెరాలో నిందితుడు, బాధితురాల్ని నగ్నంగా బయటకు నెట్టివేసిన ఘటన రికార్డయ్యింది. ఫోరెన్సిక్‌ పరీక్షల్లో నిందితురాలి శరీరంపై సెమెన్‌ ట్రేసెస్‌ కూడా లభ్యమయ్యాయి. అలాగే ఆమెకు గాయాలయినట్లూ నిర్ధారణ అయ్యింది.