హైదరాబాద్: హైదరాబాద్‌లో జరుగుతున్న జీఈ సదస్సుకు విచ్చేసిన అతిధులకు బుధవారం గోల్కొండ కోటలో విందు ఏర్పాటుచేశారు. ఈ సందర్బంగా గోల్కొండ పరిసరాల్లో మధ్యాహ్నం 12గంటల నుంచి రాత్రి 10గంటల వరకు ట్రాఫిక్‌ ఆంక్షలు విధించారు. కాగా.. నార్సింగి నుంచి రాందేవ్‌గూడ, గోల్కొండ కోట వెళ్లే వాహనాలు బాపుఘాట్, లంగర్‌హౌస్‌ మీదుగా ఫతేదర్వాజ వైపు మళ్లించారు. అలాగే షేక్‌పేట నాలా నుంచి గోల్కొండ వైపు వెళ్లే వాహనాలు ఫోర్ట్‌ క్లబ్‌ దగ్గర జమాలీదర్వాజ్‌ వద్ద మళ్లించారు.