అభా: మినిస్ట్రీ ఆఫ్‌ లేబర్‌ అండ్‌ సోషల్‌ డెవలప్‌మెంట్‌ విభాగానికి చెందిన సోషల్‌ ప్రొటెక్షన్‌ యూనిట్‌ అసిర్‌లో, ఓ కసాయి తండ్రి నుంచి 8 మంది చిన్నారుల్ని రక్షించింది. గృహ హింస ఆరోపణల నేపథ్యంలో ఈ చర్య తీసుకున్నారు. మీడియాలో కసాయి తండ్రి గురించిన వార్తా కథనాలు వెలువడ్డంతో నిందితుడ్ని పట్టుకుని, చిన్నారులకు విముక్తి కల్పించారు. చిన్నారుల్ని వైద్య చికిత్స నిమిత్తం ఆసుపత్రికి తరలించగా, నిందితుడ్ని తదుపరి చట్టపరమైన చర్యల కోసం తరలించారు. యాంటీ అబ్యూజ్‌ చట్టం కింద నిందితుడిపై కేసులు నమోదు చేసి, కఠిన చర్యలు తీసుకోవడం జరుగుతుందని మినిస్ట్రీ అధికార ప్రతినిథి చెప్పారు.