హైదరాబాద్: ఉస్మానియా యూనివర్సిటీ పరిధిలో పీహెచ్‌డీ - 2017 ప్రవేశాలకు దరఖాస్తు గడువును పొడిగించారు. పీహెచ్‌డీ ప్రవేశ పరీక్షలో అర్హత సాధించిన అభ్యర్థుల ఇంటర్వ్యూ దరఖాస్తులకు డిసెంబర్ 2తో గడువు ముగియనుంది. అయితే కాంట్రాక్టు ఉద్యోగుల సమ్మె కారణంగా.. అభ్యర్థుల కోరిక మేరకు డిసెంబర్ 16 వరకు గడువును పొడిగిస్తున్నట్లు ఓయూ రిజిస్ట్రార్ సీహెచ్ గోపాల్‌రెడ్డి ప్రకటన విడుదల చేశారు. ఇతర వివరాల కోసం www.osmania.ac.in వెబ్‌సైట్‌ను లాగిన్ అవొచ్చు.