నవంబర్‌ 24న ప్రారంభమయిన బహ్రెయిన్‌ లైట్‌ ఫెస్టివల్‌ ముగిసింది. బహ్రెయిన్‌ బేలో బహ్రెయిన్‌ టూరిజం మరియు ఎగ్జిబిషన్స్‌ అథారిటీ (బిటిఇఎ) ఈ ఈవెంట్‌ని నిర్వహించింది. అన్ని వయసులవారినీ ఈ షో బాగా ఆకట్టుకుంది. ఫ్రాన్స్‌, జపాన్‌ మరియు అమెరికా నుంచి వచ్చిన కళాకారులు టెక్నికల్‌ ఆర్టిస్టిక్‌ డైనమిక్స్‌ని ప్రదర్శించి సందర్శకుల్ని విశేషంగా అలరించారు. ఎల్‌ఇడి డ్రమ్మర్స్‌, ఎల్‌ఇడి హోవర్‌ బోర్డర్స్‌, నియాన్‌ అంబ్రెల్లాస్‌ ఇక్కడ ప్రత్యేక ఆకర్షణగా నిలిచాయి. బహ్రెయిన్‌, అలాగే ఇతర దేశాల నుంచి సుమారు 80,000 మంది విజిటర్స్‌ ఈ షోని తిలకించారు. టూరిజం సెక్టార్‌కి ఊతమిచ్చేలా ఈ లైట్‌ ఫెస్టివల్‌ని నిర్వహించడం జరిగిందని బెటా చీఫ్‌ ఎగ్జిక్యూటివ్‌ ఆఫీసర్‌ షేక్‌ ఖాలిద్‌ బిన్‌ హుమూద్‌ అల్‌ ఖలీఫా చెప్పారు.