మెగాస్టార్ ఇంటి నుంచి మరో హీరో రాబోతున్న సంగతి తెలిసిందే. మెగాస్టార్‌ చిరంజీవి చిన్న అల్లుడు కల్యాణ్‌ హీరోగా ఎంట్రీ ఇవ్వబోతున్నాడు. ఇప్పటికే కథ ఓకే అయ్యింది. కొత్త దర్శకుడు రాకేష్ శశి వినిపించిన కథకు మెగా ఫ్యామిలీ ఓకే చెప్పింది.

కొన్నాళ్లుగా కళ్యాణ్ కోసం హీరోయిన్ ని వెతికే పనిలో మెగా ఫ్యామిలీ ఉంది. ఇప్పుడు కళ్యాణ్ సరసన అనుపమ పరమేశ్వరన్ ని ఓకే చేసినట్టు సమాచారమ్. ఈ యేడాది శతమానం భవతి, ఉన్నది ఒక్కటే జిందగి సినిమాలతో సందడి చేసింది అనుపమ. ప్రస్తుతం అనుపమ నాని "కృష్ణార్జునయుద్ధం"లో నటిస్తున్నది. మెగా హీరో కాబట్టి అనుపమ దాదాపు ఒకే చెప్పినట్టు చెబుతున్నారు. ఈ సినిమాని వారాహి చలన చిత్రం పతాకంపై సాయి కొర్రపాటి నిర్మిస్తున్నారు.