దుబాయిలోని మిర్దిఫ్ ఏరియా లోని ఒక విల్లా లో జరిగిన అగ్నిప్రమాదంలో సోమవారం తొమ్మిది మంది గాయాలపాలయ్యారు. ఈ సంఘటనను గురించి సమాచారమందుకున్న దుబాయ్ సివిల్ డిఫెన్స్ ఆపరేషన్ రూం, పోలీసులు మరియు అగ్నిమాపక సిబ్బందితో కూడిన రక్షణ దళం, వెంటనే ప్రమాద స్థలానికి చేరుకొని అక్కడ అగ్ని ప్రమాదం జరిగిన మూడంతస్తుల భవంతిని, అందులో చిక్కుకున్న వ్యక్తులను కనుగొన్నారు. కేవలం 15 నిముషాల వ్యవధిలో పక్క భవనాలకు వ్యాప్తించకుండా మంటలను ఆర్పివేసి,  భవనం లో వారికీ, పక్క భవనాలకు ప్రమాదం జరగకుండా కాపాడారు. తన గదిలో చిక్కుకుపోయిన ఒక సేవకురాలు తీవ్ర గాయాలకు గురి కాగా, తప్పించుకోవడానికి మొదటి అంతస్తు నుండి దూకిన ఇద్దరి కాళ్ళు విరిగినట్టు పొలిసు వారు తెలిపారు. గాయపడినవారు ఆసుపత్రిలో చికిత్స పొందుతున్నారు.