హిజ్రాలకు తీపి కబురు తెలిపింది ఆంధ్రప్రదేశ్ ప్రభుత్వం..రాష్ట్రంలోని హిజ్రాలకు పదిహేను వందల రూపాయల పెన్షన్ ఇవ్వాలని నిర్ణయం తీసుకుంది. తాజాగా జరిగిన కేబినెట్‌ మంత్రుల సమావేశం లో ఈ నిర్ణయం తీసుకున్నారు. అలాగే, ఇళ్ళ స్థలాలు, రేషన్ కార్డులు ఇవ్వాలని, చిన్న చిన్న వ్యాపారాలు చేసుకోవడానికి రుణాలు ఇవ్వాలని కూడా నిర్ణయించారు.

ఆంధ్రప్రదేశ్‌లో కొత్తగా తొమ్మిది మండలాలు ఏర్పాటుచేసేందుకు ఏపీ కేబినెట్‌ నిర్ణయం తీసుకుంది. త్వరలోనే దీని ఆమోదానికి గవర్నర్‌కు పంపించనున్నారు. అలాగే, 2014 పోలీస్‌ యాక్ట్‌ సవరణకు ఆమోదం తెలిపింది. హిజ్రాలకు పదిహేను వందల రూపాయల పెన్షన్ ఇవ్వడం పట్ల వారు తమ ఆనందాన్ని తెలిపారు.