పవర్ స్టార్ పవన్ నటించిన అజ్ఞాతవాసి ఎప్పుడు రిలీజవుతుందా అని అభిమానులు ఎదురు చూస్తున్నారు. ఈలోపు చిత్ర యూనిట్ అప్పుడప్పుడు ఆ చిత్రంలోని పాటలను ఒక్కొక్కటిగా విడుదల చేస్తూ అభిమానుల్ని ఆనందపరుస్తున్నారు. ఈ 31న పవన్ పాడిన కొడకా కోటేశ్వరరావు పాటను విడుదల చేస్తామంటూ మరో తీపి కబురు చెప్పారు అభిమానులకి. పవన్-త్రివిక్రమ్ కాంబినేషన్లో వచ్చిన అత్తారింటికి దారేదిలో కాటమరాయుడా.. కదిరీ నరసింహుడా అంటూ పాట పాడి ఆడియన్స్ చేత స్టెప్పులేయించిన పవన్.. ఇప్పడు ఈ పాటతో మరోసారి దుమ్ములేపేస్తాడనడంలో ఎలాంటి సందేహం లేదు. అనిరుధ్ ట్యూన్స్ ఈ పాటకు మరింత అందాన్ని తీసుకొచ్చాయి.