ఆధునిక చరిత్ర లోనే ఈ సంవత్సరపు అక్టోబరు నెల అత్యధిక వేడి కలిగినదని, అంటే కాకుండా ఈ మొదటి 10 నెలల ఉష్ణోగ్రతలు కూడా అధికమైన వేడి కలిగినవేనని, అమెరికా సంయుక్త రాష్ట్రాల ప్రభుత్వ శాస్త్రవేత్తలు ప్రకటించారు. 1880 సంవత్సరం నుండి ఇప్పటివరకు గల సమాచారం ప్రకారం 2015 సంవత్సరం కచ్చితంగా అధిక ఉష్ణోగ్రత కలిగి ఉన్నట్టు తమ వద్ద గల గణాంకాలు తెలుపుతున్నాయని వారు వివరించారు. ఈ నెలాఖరులో పారిస్ లో జరగనున్న పర్యావరణ చర్చలలో భూతాప పెరుగుదల ముఖ్య చర్చనీయంశం కానున్న  నేపధ్యంలో ఈ సమాచారం ప్రాముఖ్యతను సంతరించుకుంది.