అజ్ఞాతవాసి సినిమాలో పవన్ పాడిన పాట ఎలా ఉండబోతోందో చిన్న టీజర్ చూపించి, దానిపై ఆసక్తి మరింత పెరిగేలా చేసింది చిత్ర యూనిట్. సంక్రాంతికి విడుదల అవుతున్న ఈ మూవీలో  "కొడకా కోటేశ్వర్రావు"  పాటను పవన్ పాడారు. డిసెంబర్ 31న సాయంత్రం 6 గంటలకు దీన్ని విడుదల చేయనున్నారు. ఇట్స్ పార్టీ టైమ్.. అని చెప్తూ ఫ్యాన్స్‌ని ఖుషీ చేశారు.  

అత్తారింటికి దారేదిలో "కాటమరాయుడా" పాట పాడి అభిమానుల్ని అలరించిన పవన్, ఇప్పుడు అజ్ఞాతవాసిలోనూ గాయకుడిగా స్వరం వినిపించబోతున్నారు. ఈ పాట మొదలుపెట్టే ముందు "కొడకా" అంటూ పవన్ ఆగిపోయి నవ్వడం.. ఆ వెంటనే అనిరుథ్ 1.. 2.. 3.. అంటూ స్టార్ట్ చెప్పడం, ఈ వీడియో చూసేవాళ్లను విపరీతంగా ఆకట్టుకుంటోంది. పవన్, త్రివిక్రమ్ కాంబినేషన్ లో వస్తున్న ఈ మూవీ రికార్డులు క్రియేట్ చేస్తుందని అభిమానులు ధీమా వ్యక్తం చేస్తున్నారు.