కతార్ తో ద్వైపాక్షిక సంబంధాల కల్పనలో, ముఖ్యంగా రానున్న సంవత్సరాలలో ఆర్ధిక సహకారాలను బలోపేతం చేయడానికి బల్గేరియా ఎదురుచూస్తోంది. భవిష్యత్తులో ఇరుదేశాలు ప్రయోజనం పొందేలా తమ దేశం  వివిధ  రంగాలను గుర్తించిందని , అందుకు కతార్ సహకారాన్ని అభిలషిస్తున్నామని, బాల్కన్ రిపబ్లిక్ రాయబారి మేతిన్ కజక్ వెల్లడించారు. కతార్ తో 1990 నుండి దౌత్య సంబంధాలను కలిగిఉన్న బల్గేరియా, దోహాలో తమ రాయబార కార్యాలయాన్ని 2009 లో తెరిచిందని, కతార్తో తమ ద్వైపాక్షిక సంబంధాల రజతోత్సవం సందర్భంగా, నవంబర్ 23న ఉత్సవాలను నిర్వహిస్తున్నామని ఆయన ప్రకటించారు. సేంద్రియ వ్యవసాయం, ఆహార పదార్ధాల ప్రాససింగ్ వంటి రంగాలలో అపారమైన అనుభవం మరియు నైపుణ్యం కలిగిన తమ నిపుణులు ఆయా రంగాలలో స్థానిక కంపెనీలకు మరియు సంస్థలకు ఉత్తమ నిపుణ వర్గాన్ని అందించగలవని కజక్ వివరించారు.