దుబాయ్: సాంకేతికను దుర్వినియోగం చేస్తూ ..ఏ నూతన ఆవిష్కరణ అయినా అక్రమ కార్యకలాపాలకు కొందరు వాడుకోవడం ఇటీవల మనం చూస్తూనే ఉన్నాం. వినోదానికో ..వీడియో ల చిత్రీకరణకు ఎంతగానే సహాయపడే డ్రోన్‌లను అనుమతి లేకుండా అక్రమంగా ఉపయోగిస్తే భారీ జరిమానా విధిస్తామని దుబాయ్  ఏవియేషన్ శాఖ హెచ్చరించింది. ఎటువంటి లైసెన్స్ లేకుండానే కొంతమంది డ్రోన్‌లను వాడుతున్నట్లు అధికారులు గుర్తించారు. అటువంటి వారిపై చర్యలు తీసుకొనేందుకు యువరాజు మహ్మద్ బిన్ రషీద్ అల్ ముక్తామ్‌ నేతృత్వంలో కమిటీని ప్రభుత్వం నియమించింది. ఆ కమిటీ ఇచ్చిన రిపోర్టు ప్రకారం రిజిష్టర్ కాని డ్రోన్‌లను వాడితే 2000 దిర్హమ్స్ నుంచి 20,000 దిర్హమ్స్ వరకు జరిమానా విధించనున్నామని అధికారులు తెలిపారు.