రియాద్: మార్చి 15 వరకు సౌదీ అరేబియాలోని పలు ప్రాంతాల్లో ఉరుములతో కూడిన వర్షాలు కురుస్తాయని, ప్రజలు జాగ్రత్తగా ఉండాలని జనరల్ డైరెక్టరేట్ ఆఫ్ సివిల్ డిఫెన్స్ కోరింది.  

ప్రజలు సురక్షితమైన ప్రదేశాలలో ఉండాలని, ఆకస్మిక వరదలు వచ్చే ప్రదేశాలతోపాటు లోయలకు దూరంగా ఉండాలని డైరెక్టరేట్ పిలుపునిచ్చింది. వివిధ మీడియా సంస్థలు మరియు సోషల్ మీడియా ప్లాట్‌ఫామ్‌ల ద్వారా జారీ అయ్యే సూచనలను పాటించాలని సూచించింది.  

మక్కా ప్రాంతంలో భారీ వర్షాలు కురుస్తాయని, ఫలితంగా ఆకస్మిక వరదలు వచ్చే అవకాశం ఉందన్నారు. అలాగే, వడగళ్ళు మరియు దుమ్ము తుఫానులు కూడా వచ్చే అవకాశం ఉందని డైరెక్టరేట్ పేర్కొంది. రియాద్ ప్రాంతంలో మోస్తరు నుంచి భారీ వర్షాలు కురుస్తాయని తెలిపింది.

మదీనా, అల్-బహా, అసిర్, హైల్, తూర్పు ప్రావిన్స్, ఖాసిమ్, నార్తర్న్ బోర్డర్స్, అల్-జౌఫ్ మరియు తబుక్ ప్రాంతాలలో మోస్తరు నుండి భారీ వర్షపాతం నమోదయ్యే అవకాశం ఉందన్నారు. ఇక నజ్రాన్ మరియు జజాన్ ప్రాంతాలలో తేలికపాటి నుండి మోస్తరు వర్షాలు కురిసే అవకాశం ఉందని పేర్కొంది.