మస్కట్‌: ఒమన్‌ రాజధాని నగరం మస్కట్‌, మోస్ట్‌ డిజైన్‌ సేవీ సిటీస్‌లో ఒకటిగా పేరు ప్రఖ్యాతులు గడించింది. 2018కి సంబంధించి టాప్‌ క్లాస్‌ డెస్టినేషన్‌గా హాలీడే మేకర్స్‌ ద్వారా ఇప్పటికే గుర్తింపు దక్కించుకుంది మస్కట్‌. సిఎన్‌ఎన్‌ వెబ్‌సైట్‌ తాజాగా వెల్లడించిన వివరాల ప్రకారం మస్కట్‌కి ఈ గుర్తింపు దక్కింది. మస్కట్‌తోపాటుగా కెనడాలోని టొరంటో, స్కాట్లాండ్‌లోని డుండీ, ప్యారిస్‌, టోక్యో, టిబ్లిసి - జార్జియా, సాన్‌ మిగ్యుల్‌ డె అల్లెండో - మెక్సికో లిస్ట్‌లో ఉన్నాయి. సిఎన్‌ఎన్‌ ఇంటర్నేషనల్‌ వెల్లడించిన వివరాల్ని బట్టి చూస్తే, సేఫ్‌ హెవెన్‌ అయిన ఒమన్‌, ప్రకృతి అందాలకు, అలాగే టెక్నాలజీకి కేరాఫ్‌ అడ్రస్‌గా చెప్పవచ్చు. మస్కట్‌ కొత్త విమానాశ్రయం ఏడాదికి 48 మిలియన్‌ ప్యాసింజర్స్‌ని హ్యాండిల్‌ చేయగలదు. వాటర్‌ సైడ్‌ లివింగ్‌, మోడర్న్‌ రెలీజియస్‌ ఆర్కిటెక్చర్‌, డిజర్ట్‌ క్యాంపింగ్‌, సీఫుడ్‌ వంటి వాటిల్లో మస్కట్‌కి చాలా ప్రత్యేకతలున్నాయి.