ప్రముఖ ఇ-కామర్స్‌ దిగ్గజం ఫ్లిప్‌కార్ట్‌ మరోసారి భారీ ఆఫర్లతో వినియోగదారుల ముందుకు రానుంది. గణతంత్ర దినోత్సవాన్ని పురస్కరించుకుని రిపబ్లిక్‌ డే సేల్‌ పేరుతో జనవరి 21 నుంచి జనవరి 23వరకూ పలు వస్తువులను తగ్గింపు ధరలకు అందించనుంది. సిటీ బ్యాంకు క్రెడిట్‌, డెబిట్‌ కార్డులపై 10శాతం క్యాష్‌ బ్యాక్‌ను ఇవ్వనుంది. మరో ఇ-కామర్స్‌ వెబ్‌సైట్‌ అమెజాన్‌ ఇండియా కూడా గ్రేట్‌ ఇండియా సేల్‌ పేరుతో ఈనెల 21 నుంచి 24వ తేదీ వరకూ వివిధ వస్తువులపై ఆఫర్లను ప్రకటించిన సంగతి తెలిసిందే. ఫ్లిప్‌కార్ట్‌లో స్మార్ట్‌ఫోన్లు, టీవీలు, ల్యాప్‌టాప్‌లు, ఎలక్ట్రానిక్‌ వస్తువులపై రాయితీ ప్రకటించింది. ముఖ్యంగా ల్యాప్‌టాప్‌లు, ఆడియో, కెమెరా, యాక్ససరీస్‌పై 60శాతం వరకూ తగ్గించింది. ఇక దుస్తులు, చెప్పులు, ఇతర వస్తువులపై 50 నుంచి 80శాతం రాయితీ ఇస్తున్నట్లు పేర్కొంది.