రస్‌ అల్‌ ఖైమా:రస్‌ అల్‌ ఖైమాలో ఓ కారు, ల్యాంప్‌ పోస్ట్‌లోకి దూసుకెళ్ళడంతో ఓ యువకుడు మృతి చెందాడు. షామ్‌ ఏరియాలోని ఘాలిలా రోడ్‌పై ఈ యాక్సిడెంట్‌ జరిగింది. ప్రమాదానికి సంబంధించిన సమాచారం అందగానే రస్‌ అల్‌ ఖైమా పోలీసులు సంఘటనా స్థలానికి చేరుకున్నారు. అయితే అప్పటికే 19 ఏళ్ళ యువకుడు ఆన్‌ ది స్పాట్‌ చనిపోయినట్లు పోలీసులు గుర్తించారు. వేగంగా దూసుకొచ్చిన కారు, అరబ్‌ వ్యక్తి నడుపుతున్న మరో కారుని ఢీ కొట్టి అదే వేగంతో ల్యాంప్‌ పోస్ట్‌లోకి దూసుకెళ్ళింది. ప్రమాద తీవ్రత దృష్ట్యా యువకుడు అక్కడికక్కడే మృతి చెందాడని సెంట్రల్‌ ఆపరేషన్స్‌ డిపార్ట్‌మెంట్‌ డైరెక్టర్‌ జనరల్‌ బ్రిగేడియర్‌ డాక్టర్‌ మొహమ్మద్‌ సయీద్‌ అల్‌ హుమైది చెప్పారు. ఈ క్రమంలో తీవ్రంగా గాయపడి కారులోని వ్యక్తి మృతి చెందాడు. ఈ ప్రమాదంలో మరో కారు డ్రైవర్‌ది కూడా తప్పేనని తెలియవస్తోంది.