'దేనికైనా రెడీ, ఈడోరకం ఆడోరకం' వంటి సినిమాలతో హిట్ కొట్టిన విష్ణు - జి. నాగేశ్వర రెడ్డి కాంబినేషన్ లో రూపొందుతున్న మూవీ ఆచారి ఆమెరికా యాత్ర.. థమన్ సంగీతం అందించిన ఈ సినిమాలో ప్రగ్యా జైస్వాల్ హీరోయిన్. బ్రహ్మానందం, వెన్నెల కిషోర్ కీలకపాత్రలలో కనిపించనున్నారు.. పద్మజ పిక్చర్స్ బ్యానర్ పై కీర్తి చౌదరి నిర్మాణంలో తెరకెక్కిన ఈ సినిమా ఈ నెల 26వ తేదిన విడుదల చేయనున్నట్లు ఇంతకు ముందు ప్రకటించారు.. అయితే తాజాగా ఈ మూవీ రిలీజ్ ను వాయిదా వేశారు. సాంకేతిక కారణాలతో అనుకున్న సమయానికి ఫైనల్ అవుట్ పుట్ రాకపోవడంతో వాయిదా వేసినట్లు సమాచారం.. దీంతో 26న రెండు లేడీ ఓరియెంటెడ్ మూవీలో రిలీజ్ కానున్నాయి.. ఒకటి అనుష్క నటించిన భాగమతి, మరోకటి దీపికా పడుకోనే నటించిన పద్మావత్..