హైదరాబాద్‌ : లైంగిక వేధింపుల కేసులో చిక్కుకున్న గాయకుడు గజల్‌ శ్రీనివాస్‌ ఆదివారం నగరంలోని పంజాగుట్ట పోలీస్‌ స్టేషన్‌లో వ్యక్తిగతంగా హాజరయ్యారు. ఓ యువతిని లైంగికంగా వేధించిన కేసులో గజల్‌ శ్రీనివాస్‌ను పోలీసులు అరెస్టు చేసిన సంగతి తెలిసిందే. అనంతరం రిమాండ్‌ విధించగా చంచల్‌గూడ జైలుకు తరలించారు. కాగా గజల్‌ శ్రీనివాస్‌కు నాంపల్లి కోర్టు షరతులతో కూడిన బెయిల్‌ మంజూరు చేసింది. ప్రతి బుధవారం, ఆదివారం పంజాగుట్ట పోలీస్‌స్టేషన్‌ హౌజ్‌ ఆఫీసర్‌ ఎదుట హాజరుకావాలని ఆదేశించడంతో ఆయన ఉదయం 10 గంటల సమయంలో పోలీస్‌స్టేషన్‌కు వచ్చారు.