వైవిధ్యమైన కథలను ఎంచుకుంటున్న నారా రోహిత్‌ తాజాగా ఈ.ఎం.వి.ఈ స్టూడియోస్‌ సంస్థ నిర్మించబోయే చిత్రంలో నటించేందుకు అంగీకరించారు. ప్రొడక్షన్‌ నెం.3గా రూపొందనున్న ఈ చిత్రం ద్వారా ఎస్‌.డి.చక్రవర్తి దర్శకుడిగా పరిచయమవుతున్నారు. వైవిధ్యమైన కథతో విలేజ్‌ నేపథ్యంలో రూపొందే ఈ చిత్రం రెగ్యులర్‌ షూటింగ్‌ మార్చి నుంచి మొదలుకానుంది. వడ్డేపల్లి సత్యనారాయణ సమర్పణలో తెరకెక్కే ఈ చిత్రంలో నారా రోహిత్‌ పాత్ర చిత్రణ, గెటప్‌ చాలా టిఫికల్‌గా ఉంటాయని చిత్రబృందం వెల్లడించింది. ప్రస్తుతం తమ సంస్థ నిర్మించిన హౌరాబ్రిడ్జ్‌ చిత్రం విడుదలలో బిజీగా ఉండటం వల్ల నారా రోహిత్‌ సినిమాకు సంబంధించిన నటీనటులు, సాంకేతిక నిపుణుల వివరాలను త్వరలోనే వెల్లడిస్తామని ఆ బృందం తెలియజేసింది. ఈ చిత్రానికి సంగీతాన్ని సాయికార్తీక్‌ సమకూర్చనున్నారు.