జెబ్రా క్రాసింగ్ మీద పద్దతిగా రోడ్డు దాటుతున్న చిన్నారులు.. వాళ్ళు వెళ్ళేదాకా ఆగి వేచివున్న వాహన దారులు..! ఒక ముచ్చటైన చిత్రం. ట్రాఫిక్ నిబంధనల మీద ఎవేర్నెస్ కోసం హైదరాబాద్ 'తాడ్ బండ్' ప్రాంతంలో జరిగిన ఒక కార్యక్రమానికి సంబంధించిన ఫోటో అది. ఒక ఇంగ్లీష్ డైలీలో పబ్లిష్ అయిన ఈ ఫోటోను చూసిందే తడవు వెంటనే ట్విట్టర్లో పోస్ట్ చేసి 'సెహబాష్' చెప్పేశాడు తెలంగాణ ఐటీ మంత్రి కేటీఆర్. సోషల్ అవేర్నెస్ విషయంలో చురుగ్గా స్పందించే అలవాటున్న కేటీఆర్.. ఇటువంటి ముచ్చటైన కార్యక్రమాలు ఎవరు చేపట్టినా ప్రోత్సహిస్తామని హామీనిస్తున్నారు. పెద్దపెద్ద విషయాల్ని ఇలా చిన్నపిల్లలతో చెప్పించడం మంచి ప్రయోగమని, వీటికి ప్రచారం కల్పించాల్సిన బాధ్యత మీడియా మీద కూడా ఉందని ట్వీటాడు ఐటీ మంత్రి.