మస్కట్‌: ఒమన్‌ తొలి బడ్జెట్‌ ఎయిర్‌లైన్‌ సలామ్‌ ఎయిర్‌, మస్కట్‌ నుంచి ఇరాన్‌లోని షిరాజ్‌కి విమాన సేవల్ని ప్రారంభిస్తున్నట్లు ప్రకటించింది. 'షిరాజ్‌కి హలో చెప్పండి' అంటూ ఫిబ్రవరి 28 నుంచి షిరాజ్‌కి వారంలో రెండు విమానాలు నడుపుతున్న విషయాన్ని పేర్కొంది. టిక్కెట్‌ ధరలు 77 ఒమన్‌ రియాల్స్‌ మాత్రమేనని ఎయిర్‌లైన్స్‌ వర్గాలు వెల్లడించాయి. తమ ఫ్లీట్‌కి అదనంగా ఎ320 విమానాల్ని అందించేందుకు సలామ్‌ ఎయిర్‌ ప్రయత్నిస్తోంది. ఒమన్‌ నుంచి పలు ప్రాంతాలకు తమ సేవల్ని విస్తరించేందుకోసం సలామ్‌ ఎయిర్‌ ఎప్పటికప్పుడు కొత్త ప్లాన్స్‌ రచించుకుంటోంది.