సీనియర్‌ హీరో వెంకటేష్‌ గత ఏడాది గురు సినిమాలో నటించారు. ఆ తర్వాత కొత్త చిత్రమేదీ అంగీకరించలేదు. అనేక కథలు విన్నప్పటికీ ఫైనలైజ్‌ చేయలేదు. కొత్తదనం ఉన్న కథలు కావాలనే ఉద్దేశంతో ఉన్నారు. అలాగే ఇతర భాషల్లో హిట్‌ అయిన సినిమాల రీమేక్‌లపై కూడా దృష్టి పెట్టారు. కానీ ఏదీ కూడా కొలిక్కిరాలేదు. ఈ లోపు దర్శకుడు తేజ చెప్పిన కథ నచ్చింది. వెంటనే డేట్స్‌ ఇచ్చేశారు. నేనే రాజు - నేనే మంత్రి సినిమా సక్సెస్‌తో తేజపై నమ్మకం పెరిగింది. వైవిథ్యమైన కథాశంతో తేజ చెప్పిన కథకి వెంకటేష్‌ గ్రీన్‌ సిగ్నల్‌ ఇచ్చారు. దాంతో ప్రీ ప్రొడక్షన్‌ పనులు వేగంగా జరుగుతున్నాయి. తాజా సమాచారం ప్రకారం ఇదేనెలాఖరున షూటింగ్‌ ప్రారంభించడానికి సన్నాహాలు జరుగుతున్నాయి. వెంకటేష్‌తో పాటుగా నారా రోహిత్‌ మరో ముఖ్యపాత్రని పోషిస్తున్నారు. అనూప్‌ రూబెన్స్‌ సంగీతం అందిస్తున్నారు. హీరోయిన్లు ఎవరనే దానిపై ఇంకా స్పష్టతరాలేదు.