వాడిని నేను ఇంతకన్నా దారుణంగా చావగొడతానంటూ తీవ్ర అగహాన్ని వ్యక్తం చేశారు హీరో సుదీర్ బాబు. 5 నెలల క్రితం ఎనిమిదేళ్ల కొడుకు అబద్ధం చెప్పాడని కారణంతో బాలుడిని తీవ్రంగా కొట్టాడు కర్ణాటకకు చెందిన ఓ వ్యక్తి. అది కాస్త సోషల్ మీడియాలో రావడంతో అతనిపై నెటిజెన్ లు బాగానే రియాక్ట్ అయ్యారు.అతను మనిషి కాదు మానవ మృగం అంటూ తీవ్ర వ్యాఖ్యలు చేసిన సంగతి తెలిసిందే. అయితే తాజాగా ఆ వీడియో హీరో సుదీర్ బాబు కంటపడింది.  అది చూసిన సుదీర్ బాబు అతనిపై తీవ్రంగా మండిపడుతూ.. "ప్లీజ్ అతడు ఎక్కడ ఉంటాడో కనిపెట్టండి. వాడిని నేను ఇంతకన్నా దారుణంగా చావగొడతా. అతడిని తండ్రి అనాలంటే సిగ్గుగా ఉంది" అంటూ  ఫేస్బుక్ లో వీడియో ద్వారా ఆగ్రహం వ్యక్తం చేశారు. ఇదిలావుంటే ఐదు నెలల కిందట జరిగిన ఈ ఘటన మొబైల్ రిపేర్ సెంటర్ ద్వారా వెలుగులోకి వచ్చింది. అయితే  కొడుకుని చితకబాదుతున్న తండ్రి, ఆ సంఘటనను వీడియో తీసింది సాక్షాత్తు బాలుడి తల్లే కావడం గమనార్హం