నేడు జరిగిన ప్రతినిధుల మండలి వార సమావేశంలో  మాట్లాడుతూ, శ్రామిక మరియు సామాజికాభివృద్ధి శాఖా మంత్రి జమీల్ మహమ్మద్ అలీ హుమైదాన్, తమ వద్ద గల గణాంకాల ప్రకారం దేశంలో నిరుద్యోగ రేటు 3.1 శశాతం, అంటే ఇంచుమించు ఆరువేల మంది నిరుద్యోగులుగా ఉందని తెలిపారు. ప్రభుత్వ, ప్రైవేటు మరియు అసంఘటిత రంగంలో పనిచేస్తున్న శ్రామికుల సంఖ్య 1,58,000 గా ఉందని, దేశీయ శ్రామికుల నైపుణ్యాన్ని పెంపొందించి, వారి నిరుద్యోగితను తగ్గించడంలో, గల్ఫ్ మరియు అరబ్ దేశాలలో బహ్రైన్ నిరుద్యోగ రేటు అతి తక్కువగా ఉండటంలో సంబంధిత శాఖ కృషిని ఆయన కొనియాడారు. బహ్రైనీ యువతకు రిటైల్, నిర్మాణం, కళలు మరియు ఆతిధ్య రంగాలలో మంత్రిత్వ శాఖ అనేక అవకాసాలను కల్పిస్తుందని ఆయన హామీ ఇచ్చారు.