మనామా: ప్రైమ్‌ మినిస్టర్‌ ప్రిన్స్‌ ఖలీఫా బిన్‌ సల్మాన్‌ అల్‌ ఖలీఫా, లేట్‌ షేక్‌ సల్మాన్‌ బిన్‌ హమాద్‌ అల్‌ ఖలీఫా మాస్క్‌ని అవాలిలో ప్రారంభించారు. సదరన్‌ గవర్నరేట్‌ పరిధిలో అతి పెద్ద మాస్క్‌గా దీన్ని చెబుతున్నారు. క్రౌన్‌ ప్రిన్స్‌, ఫస్ట్‌ డిప్యూటీ ప్రైమ్‌ మినిస్టర్‌, డిప్యూటీ సుప్రీం కమాండర్‌ ప్రిన్స్‌ సల్మాన్‌ బిన్‌ హమాద్‌ అల్‌ ఖలీఫా, రాయల్‌ ఫ్యామిలీకి చెందిన ప్రముఖులు ఈ కార్యక్రమానికి హాజరయ్యారు. తన తండ్రి, బహ్రెయిన్‌ మాజీ రూలర్‌ దివంగత షేక్‌ సల్మాన్‌ బిన్‌ హమాద్‌ అల్‌ ఖలీఫా, బహ్రెయిన్‌ ప్రజలకు అలాగే, ఇస్లాం మతానికీ ఎంతో సేవ చేశారని చెప్పారు. పెద్దల్ని గౌరవంచడం తమ సంస్కారమనీ, వారి కీర్తిని మరింతగా వ్యాపితం చేసేందుకు తమవంతుగా ప్రయత్నం చేస్తున్నామని ఆయన అన్నారు.