దుబాయ్‌:దుబాయ్‌లోని ఓ ఇంటర్నేషనల్‌ స్కూల్‌, ఓ టీచర్‌ని సస్పెండ్‌ చేసింది. అమెరికాలో నిందితుడ్ని అరెస్ట్‌ చేశారు. ఏడేళ్ళ వయసున్న చిన్నారిపై లైంగిక దాడికి యత్నించాడు నిందితుడు. స్విస్‌ ఇంటర్నేషనల్‌ సైంటిఫిక్‌ స్కూల్‌ - దుబాయ్‌ ఈ విషయాన్ని వెల్లడించింది. స్కూల్‌లో సెకెండరీ టీచర్‌గా పనిచేస్తున్న విలియం బాల్‌పై మీడియాలో వచ్చిన కథనాల మేరకు అతనిపై సస్పెన్షన్‌ వేటు వేశామని తెలిపారు. ఫిబ్రవరి 5న అమెరికాలోని ఫ్లోరిడాలో అతన్ని అరెస్ట్‌ చేశారు. ఆ చిన్నారి కోసం విమానంలో 5,000 డాలర్లు ఖర్చు చేసి అమెరికాకి వెళ్ళాడు. అతన్ని అరెస్ట్‌ చేసే క్రమంలో యూఎస్‌ మార్షల్స్‌ అతని దగ్గర చిన్న పిల్లల కోసం పలు వస్తువుల్ని అలాగే కండోమ్స్‌, ల్యూబ్రికెంట్‌ స్వాధీనం చేసుకున్నారు. ఇంటర్నెట్‌లో ఇద్దరి మధ్యా చాలా కన్వర్జేషన్‌ నడిచిందనీ, పూర్తి ఆధారాలతో మైనర్‌తో సెక్స్‌, చైల్డ్‌ పోర్నోగ్రఫీ వంటి అభియోగాల్ని పోలీసులు నమోదు చేశారని అధికారులు తెలిపారు. దుబాయ్‌లోని స్విస్‌ ఇంటర్నేషనల్‌ సైంటిఫిక్‌ స్కూల్‌లో బాల్‌, మ్యూజిక్‌ టీచర్‌గా పనిచేశాడు.