దోహా:33 వీసా అప్లికేషన్లను ఫోర్జరీ చేసిన కేసులో నిందితుడికి మూడేళ్ళ జైలు శిక్ష విధించింది న్యాయస్థానం. బిజినెస్‌ ఓనర్‌ (బాధితుడి) సిగ్నేచర్‌ని సేకరించి, వీసాల్ని జారీ చేసేందుకోసం దాన్ని నిందితుడు దుర్వినియోగం చేసినట్లు విచారణలో తేలింది. తాను పనిచేసిన సంస్థ తాలూకు వివరాల్ని, యజమాని వివరాల్ని చాకచక్యంగా దొంగిలించి, వాటితో అప్లికేషన్లను ఫోర్జరీ చేశాడు. ఏడాది కాలంలో 600 వీసాల్ని ప్రాసెస్‌ చేయగా, ఇందులో 33 ఫోర్జరీవని అధికారులు విచారణలో నిర్ధారించారు. ఫోర్జరీ గురించి తెలియగానే యజమాని పోలీసులకు పిర్యాదు చేయడంతో విషయం వెలుగులోఎయకి వచ్చింది. 3 ఏళ్ళ జైలు శిక్ష అనంతరం, నిందితుడ్ని దేశం నుంచి బహిష్కరించాల్సిందిగా కూడా కోర్టు తీర్పులో పేర్కొంది.