ముంబై : మహారాష్ట్ర రాజధాని ముంబైలోని కళాచౌకీ ప్రాంతంలో మంగళవారం ఉదయం భారీ అగ్నిప్రమాదం సంభవించింది. ఈస్టల్ మెటల్ కంపెనీలోని గోడౌన్‌లో ఒక్కసారిగా మంటలు చెలరేగాయి. సమాచారం అందుకున్న అగ్నిమాపక సిబ్బంది.. 16 ఫైరింజన్లతో మంటలను అదుపు చేసింది. ఈ కంపెనీకి సమీపంలో పలు భవన సముదాయాలు ఉండటంతో.. ముందుజాగ్రత్తగా అక్కడ నివాసముంటున్న ప్రజలను సురక్షిత ప్రాంతాలకు తరలించారు. కళాచౌకీ ప్రాంతంలో దట్టంగా పొగలు కమ్ముకోవడంతో స్థానికులు ఊపిరి పీల్చుకోలేని పరిస్థితి నెలకొంది. భారీగా ఆస్తి నష్టం సంభవించింది. ఎలాంటి ప్రాణ నష్టం జరగలేదు.