అమెరికా అధ్యక్షుడు డొనాల్డ్‌ ట్రంప్‌ కు మరో గట్టి షాక్ తగిలింది. ట్రంప్‌ ఆర్థిక సలహాదారు గ్యారీ కోహెన్‌ రాజీనామా చేశారు. ట్రంప్‌ యంత్రాంగంలో మొదటి నుంచి గ్యారీ చీఫ్‌ ఎకనమిక్‌ అడ్వైజర్‌గా పనిచేశారు. ఇటీవల ట్రంప్‌ ఉక్కు, అల్యూమినియంపై దిగుమతి సుంకాన్ని పెంచుతూ నిర్ణయం తీసుకున్న సంగతి తెలిసిందే. వాణిజ్య విధానాలలో అధ్యక్షుడితో విబేధాల కారణంగా ఆయన పదవి నుంచి తప్పుకున్నట్లు సమాచారం. అయితే ఆయన వైదొలిగే తేదీ నిర్ణయించాల్సి ఉందని వైట్‌హౌస్‌ అధికారి వెల్లడించారు. తన ఆర్థిక సలహాదారుగా గ్యారీ అద్బుతంగా పనిచేశారని  ట్రంప్ కొనియాడారు.