మస్కట్‌: అల్‌ బురైమిలో ఓ ప్రభుత్వ ఉద్యోగిపై స్థానికుడొకరు దాడి చేసిన కేసులో నిందితుడ్ని పోలీసులు అదుపులోకి తీసుకున్నారు. సివిల్‌ సర్వెంట్‌పై నిందితుడు దాడి చేశాడనీ, డైరెక్టరేట్‌ జనరల్‌ ఆఫ్‌ హౌసింగ్‌కి సంబంధించిన ట్రాన్సాక్షన్స్‌ రికార్డ్స్‌ని నిందితుడు దొంగతనం చేశాడనీ పోలీసులు వెల్లడించారు. దొంగతనం తర్వాత నిందితుడు పారిపోయాడనీ, అతన్ని గుర్తించి అరెస్ట్‌ చేశామని, విచారణ కొనసాగుతోందని తెలిపారు. ఆర్టికల్‌ 192 ఒమనీ పీనల్‌ కోడ ప్రకారం, పబ్లిక్‌ సర్వెంట్‌ని బెదిరిస్తే, మూడు నెలలకు మించిన జైలు శిక్ష (రెండేళ్ళు గరిష్టంగా), 300 నుంచి 1000 ఒమన్‌ రియాల్స్‌ సరీమానా విధిస్తారు.