అబుదాబీ: అబుదాబీలోని నిర్మణంలో వున్న ఓ భవనంలో క్రేన్‌ కుప్పకూలిన ఘటనలో ఏడు కార్లు ధ్వంసమయ్యాయి. టూరిస్ట్‌ క్లబ్‌ ప్రాంతంలో సోమవారం మధ్యాహ్నం ఈ ఘటన చోటు చేసుకుంది. సంఘటన గురించి తెలియగానే, సివిల్‌ డిఫెన్స్‌, రెస్క్యూ టీమ్స్‌, పోలీస్‌ పెట్రోల్స్‌ ఘటనా స్థలానికి చేరుకుని, సహాయక చర్యలు ముమ్మరం చేసినట్లు అబుదాబీ పోలీస్‌ వర్గాలు వెల్లడించాయి. ఈ ఘటనలో ఎవరికీ ఎలాంటి గాయాలూ అవలేదు. ఘటన జరిగిన ప్రాంతంలో పార్కింగ్‌ చేసి వున్న వాహనాల మీద క్రేన్‌ కుప్పకూఇందని అబుదాబీ సివిల్‌ డిఫెన్స్‌ డిపార్ట్‌మెంట్‌ డైరెక్టర్‌ జనరల్‌ బ్రిగేడియర్‌ మొహమ్మద్‌ మయౌఫ్‌ అల్‌ కెత్బి చెప్పారు. క్రేన్‌ కుప్పకూలడానికి కారణాల్ని కనుగొనే ప్రయత్నంలో ఉన్నారు పోలీసులు. కన్‌స్ట్రక్షన్‌ ప్రాంతాల్లో ప్రమాదాలకు అవకాశమీయకుండా నిర్వాహకులు తగిన జాగ్రత్తలు తీసుకోవాలని ఈ సందర్భంగా పోలీసులు సూచించారు.