ముంబై : బాలీవుడ్ కండల వీరుడు సల్మాన్‌ఖాన్‌ విదేశాల్లో పర్యటించేందుకు జోధ్‌పూర్ జిల్లా సెషన్స్ కోర్టు అనుమతించింది. కృష్ణ జింకలను హతమార్చిన కేసులో దోషి అయిన సల్మాన్ కు ఐదేళ్ల జైలు శిక్ష విధించిన కోర్టు బెయిలు ఇచ్చింది. విదేశాల్లో పర్యటించాలంటే కోర్టు అనుమతి తీసుకోవాలని తీర్పులో పేర్కొంది. మే 25 నుంచి జులై 10వతేదీ వరకు సల్మాన్‌ఖాన్‌ సినిమా షూటింగు నిమిత్తం కెనడా, నేపాల్, అమెరికా దేశాల్లో పర్యటించేందుకు కోర్టు అనుమతి మంజూరు చేసింది. 1998వ సంవత్సరంలో 'హమ్ సాథ్ సాథ్ హై' సినిమా షూటింగు సందర్భంగా జోధ్ పూర్ అడవిలో సల్మాన్‌ఖాన్‌ కృష్ణజింకలను వేటాడిన విషయం పాఠకులకు విదితమే. ఇటీవల సల్మాన్‌ఖాన్‌కు ఐదేళ్ల శిక్షను విధిస్తూ కోర్టు తీర్పు చెప్పడంతో ఆయన రెండు రోజులు జోథ్ పూర్ సెంట్రల్ జైలులో గడిపారు.