అబుదాబీ: ముఫ్రాక్‌ బ్రిడ్జి వద్ద నాలుగు కార్లు ఢీ కొన్న ఘటనలో ఒకరు ప్రాణాలు కోల్పోగా, ఎనిమిది మందికి గాయాలయ్యాయి. అబుదాబీ పోలీసులు చెబుతున్న వివరాల్ని బట్టి, కారు డ్రైవర్‌ అతి వేగంతో హైవే బ్యారియర్‌ని ఢీకొన్నాడని తెలుస్తోంది. ఈ క్రమంలో మిగతా కార్లు కూడా ప్రమాదానికి గురయ్యాయి. గాయపడ్డవారిని వెంటనే ఆసుపత్రికి తరలించారు. అబుదాబీ పోలీస్‌ డిపార్ట్‌మెంట్‌ ఆఫ్‌ ఇన్వెస్టిగేషన్స్‌ - సీరియస్‌ యాక్సిడెంట్స్‌ హెడ్‌ డాక్టర్‌ ముస్లిమ్‌ మొహమ్మద్‌ అల్‌ జునైబి మాట్లాడుతూ, వాహనదారులు ట్రాఫిక్‌ నిబంధనల్ని పాటించాలనీ, తద్వారా తీవ్రమైన రోడ్డు ప్రమాదాలను నివారించినట్లవుతుందని అన్నారు.