బాలయ్య-తేజల మధ్య జరిగిన గొడవ!
- April 26, 2018![9 బాలయ్య-తేజల మధ్య జరిగిన గొడవ!](https://www.maagulf.com/godata/articles/201804/93e85a8661dd24bb133b086516a0803f_1524740245.jpg)
విశ్వ విఖ్యాత నట సార్వభౌమ నందమూరి తారకరామారావు జీవితం ఆధారంగా తెరకెక్కుతోన్న బయోపిక్ మూవీ నుంచి తాను తప్పుకుంటున్నానని దర్శకుడు తేజ ప్రకటించడం నిన్న ఒక్కసారిగా సంచలనంగా మారింది. దీంతో అసలు తేజ ఈ సినిమా నుంచి ఎందుకు వైదొలిగాడన్న విషయం ఆరా తీసేందుకు సినీ ప్రముఖులు కూడా ఆసక్తి చూపారు.
విశ్వసనీయ వర్గాల సమాచారం ప్రకారం, ఈ సినిమాలు పాటలు ఉండాలని బాలయ్య పట్టుబట్టాడు.. మరీ ముఖ్యంగా వేటగాడు చిత్రంలోని హిట్ సాంగ్ 'ఆకు చాటు పిందె తడిసె' పాటతో పాటు ఎన్టీఆర్ జయలలితతో చేసిన మరో సూపర్ హిట్ సాంగ్ కోటలోని మొనగాడా కచ్చితంగా ఉండాల్సిందేనని బాలయ్య పట్టుబట్టాడు. దీనికి తేజ ఒప్పుకోలేదు. ఇదే సమయంలో ఎన్టీఆర్ జీవిత చరిత్రలో మొత్తం 50 గెటప్పులను సినిమా లో చూపిద్దామని బాలయ్య ప్రపోజ్ చేశాడు. అయితే ఈ గెటప్ల మధ్య పాటలు పెడితే సినిమా స్క్రీన్ప్లే లో సింక్ అవవని.. వీటి వల్ల కథ ఫ్లో మొత్తం దెబ్బతింటుందని తేజ అభిప్రాయపడ్డాడు. ఈ సినిమాలో కేవలం రెండు మూడు బ్యాక్ గ్రౌండ్ సాంగ్స్ ఉంటే సరిపోతుందని తేజ భావించాడు. అలాగే, బాలయ్య చేస్తానన్న 50 ఎన్టీఆర్ గెటప్స్ లో అన్నీ బాలయ్య ఫిజిక్కు ఏ మాత్రం సెట్ కావని.. ఫిట్ అవని గెటప్లు చేసి విమర్శలు ఎదుర్కోవడం కన్నా.. వేయకపోవడం బెటర్ అని తేజ చెప్పినట్లు తెలుస్తోంది.
దీనిపై ఇద్దరికీ అభిప్రాయభేదాలు నడుస్తుండగానే.. మే నెలలో 15 రోజుల షూటింగ్ తో పాటు ఓ పాటను చిత్రీకరించాలని బాలయ్య కోరగా.. స్క్రిప్ట్ పై ఇంకా వర్క్ చేయాల్సి ఉందని.. అది పూర్తవకుండా తనకు సెట్స్ పైకి వెళ్లడం ఇష్టం లేదని తేజ మొహమాటం లేకుండా చెప్పేశాడు. దీంతో బాలయ్య తేజ పై ఆగ్రహం వ్యక్తం చేయడంతో ఆయన తప్పుకున్నాడని సినీ వర్గాలు చెబుతున్నాయి.
తాజా వార్తలు
- ముంబైలో కుప్పకూలిన నాలుగు అంతస్థుల భవనం
- ఒలంపిక్ టార్చ్తో మెగాస్టార్ చిరంజీవి..
- ఆగస్టులో ఉక్రెయిన్లో పర్యటించనున్న ప్రధాని మోడీ..!
- హైదరాబాద్లో రేపు, ఎల్లుండి ట్రాఫిక్ ఆంక్షలు
- కాల్పులు జరిపిన ప్రదేశం నుండే మళ్లీ ర్యాలీ నిర్వహిస్తా: డొనాల్డ్ ట్రంప్
- వెడ్డింగ్ ప్లానర్ పై దావా గెలిచిన కొత్త జంట..!
- Qiwa.. ప్రవాసులకు ఉచితంగా జాబ్ ధృవీకరణ పత్రాలు
- రెసిడెన్సీ చట్టం ఉల్లంఘన..తనిఖీల్లో పలువురు అరెస్ట్
- అత్యున్నత ప్రపంచ ప్రమాణాలతో ఖతార్ ఏవియేషన్ రంగం..!
- పారిస్ ఒలింపిక్స్ 2024: అట్టహాసంగా ఆరంభ వేడుకలు..