మస్కట్‌: సుల్తాన్‌ కబూస్‌ స్ట్రీట్‌లో రెండు లేన్లను తాత్కాలికంగా మూసివేస్తున్నారు. అస్‌ సాహ్వా టవర్‌ నుంచి రువి వైపుగా వున్న మార్గాన్ని మూసివేస్తున్నట్లు మస్కట్‌ మునిసిపాలిటీ పేర్కొంది. మే 10, గురువారం సాయంత్రం నుంచి శుక్రవారం సాయంత్రం.. అంటే మే 11 సాయంత్రం వరకు ఈ మూసివేత అమల్లో వుంటుంది. మూడవ మరియు నాలుగవ లేన్‌ని మూసివేస్తున్నట్లు అధికారులు వెల్లడించారు. పీరియాడిక్‌ మెయిన్‌టెనెన్స్‌లో భాగంగా ఈ మూసివేత అమల్లో వుంటుందనీ, వాహనదారులు అప్రమత్తంగా వ్యవహరించాలని మస్కట్‌ మునిసిపాలిటీ ప్రకటించింది.