పాంగ్యాంగ్‌: తాము అణు ప్రయోగాలు నిర్వహించే అణు ప్రయోగ కేంద్రాన్ని ఈ నెల 23-25 తేదీల మధ్యలో తొలగించనున్నట్లు ఉ.కొరియా శనివారం ప్రకటించింది. కొరియా ద్వీపకల్పాన్ని అణు నిరాయుధీకరణ చేసే ప్రక్రియలో భాగంగా తాము ముందడుగు వేస్తున్నామని, తొలగింపు సందర్భంగా ప్రత్యేక కార్యక్రమం నిర్వహిస్తామని ఉ.కొరియా విదేశాంగశాఖను ఉటంకిస్తూ అధికార వార్తా సంస్థ సనా ఒక వార్తా కథనంలోవెల్లడించింది. ఇటీవల జరిగిన అధికార వర్కర్స్‌ పార్టీ ఆఫ్‌ కొరియా (డబ్ల్యుపికె) ఏడవ కేంద్ర కమిటీ మూడో ప్లీనరీ సమావేశంలో తీసుకున్న నిర్ణయం మేరకు కొరియా అణ్వాయుధ సంస్థ, ఇతర సంబంధిత సంస్థల తొలగింపునకు చర్యలు తీసుకుంటున్నామని విదేశాంగ మంత్రిత్వశాఖ తన ప్రకటనలో తెలియచేసింది.