దుబాయ్‌ బీచ్‌లో ఓ వ్యక్తి, 15 ఏళ్ళ బాలుడ్ని లైంగికంగా వేధించిన ఘటన వెలుగు చూసింది. ఈ ఘటనలో నిందితుడిపై కేసు నమోదయ్యింది. పబ్లిక్‌ ప్రాసిక్యూషన్‌ రికార్డ్స్‌ ప్రకారం 27 ఏళ్ళ పాకిస్తానీ వ్యక్తి, 15 ఏళ్ళ కిర్గిస్తానీ బాలుడ్ని జుమైరా బీచ్‌లో లైంగికంగా వేధించాడు. లైంగిక వాంఛతో బాలుడ్ని తాకుతూ, అసభ్యకరంగా ప్రవర్తించాడు నిందితుడు. అయితే నిందితుడు తనపై వస్తున్న అభియోగాల్ని ఖండిస్తున్నాడు. బాలుడి తల్లి మాత్రం, తన కుమారుడ్ని నిందితుడు అసభ్యకరంగా తాకాడని చెబుతోంది. అయితే నిందితుడు మాత్రం అనుకోకుండా, బాలుడి ఛాతిపై తన చేయి తగిలిందని వాదిస్తున్నాడు. ఈ కేసులో తదుపరి విచారణ మే 27కి వాయిదా పడింది.