ఇండోనేషియాలోని సురాబయా నగరం మరోసారి బాంబు పేలుడుతో దద్దరిల్లింది. ఆదివారం మూడు చోట్ల జరిగిన ఆత్మాహుతి దాడుల్లో 13 మంది బలయ్యారు. సురాబయాలోని పోలీస్‌ హెడ్‌క్వార్టర్స్‌ వద్ద మోటార్‌సైకిల్‌పై వచ్చిన ఇద్దరు ఉగ్రవాదులు ఆత్మాహుతి దాడికి పాల్పడ్డారు. ఈ ఘటనలో ఏడుగురు చనిపోయినట్లు ఇండోనేషియా మీడియా వెల్లడించింది. సెక్యూరిటీ చెక్‌పాయింట్ వద్ద పోలీసులు తనిఖీలు చేస్తుండగా ఈ ఘాతుకానికి పాల్పడ్డారు. ఉగ్రవాదుల్లో ఓ మహిళ కూడా ఉందని పోలీసు అధికార ప్రతినిధి తెలిపారు.