విదేశాలకు వెళ్లాలనుకునే భారతీయ యువతకు వీసా విషయంలో చుక్కెదురవుతోంది. వివిధ రంగాలకు చెందిన సుమారు 6,080 మంది భారతీయులకు గత డిసెంబర్‌ నుంచి ఇంగ్లండ్‌ వీసాలను నిరాకరిస్తోంది. ద క్యాంపెయిన్‌ ఫర్‌ సైన్స్‌ అండ్‌ ఇంజనీరింగ్‌(సీఏఎస్‌ఈ) ఫ్రీడమ్‌ ఆఫ్‌ ఇన్ఫర్మేషన్‌ యూకే ఆఫీస్‌ ఆఫ్‌ నేషనల్‌ స్టాటిస్టిక్స్‌ నుంచి పొందిన గణాంకాల ప్రకారం నైపుణ్యం కలిగిన భారతీయ ఉద్యోగులకు 57 శాతం వీసాలు జారీ చేసినట్లు తెలుస్తోంది. యూరోపియన్‌ యూనియన్‌ వెలుపల నుంచి వీసాలు పొందిన అత్యధిక మంది విదేశీయులు కూడా భారతీయులే.