మనామా సెంట్రల్‌ మార్కెట్‌ ఎయిర్‌ కండిషన్డ్‌గా మారింది. దీంతో అమ్మకందార్లకు, వినియోగదారులకు ఎంతో ఉపశమనం కలగనుంది. చాలాకాలంగా ఎయిర్‌ కండిషనర్స్‌పై విజ్ఞప్తులు వస్తూ వున్నాయి. ఎట్టకేలకు ఎయిర్‌ కండిషన్డ్‌ సిస్టమ్స్‌ని మనామా సెంట్రల్‌ మార్కెట్‌లో ఇన్‌స్టాల్‌ చేశారు. దీంతో, మనామా సెంట్రల్‌ మార్కెట్‌ ఇంకా ఎక్కువగా వినియోగదారుల్ని ఆకర్షించడం ఖాయమని వ్యాపారులు, వినియోగదారులు అంటున్నారు. ఇదిలా వుంటే, ఇండియాలోని కేరళలో నిపా వైరస్‌ విజృంభన ప్రభావం మనామా సెంట్రల్‌ మార్కెట్‌పై పడలేదనీ, జోర్డాన్‌, లెబనాన్‌, సిరియా, సౌదీ అరేబియా నుంచి ఎక్కువగా ఇంపోర్ట్‌ అవుతుంటాయని వ్యాపారులు తెలిపారు. మరోపక్క, పౌరులు అప్రమత్తంగా వుండాలంటూ కేరళకు వెళ్ళేవారికి బహ్రెయిన్‌ ప్రభుత్వం స్పష్టమైన సూచనలు చేసింది. యూఏఈ ప్రభుత్వం కూడా తమ పౌరులకు ఇవే సూచనలు చేసింది.