బాలీవుడ్‌ నటుడు సంజయ్‌ దత్‌ జీవితాధారంగా బయోపిక్‌ రాబోతున్న సంగతి తెలిసిందే. ఈ చిత్రానికి 'సంజు' అనే టైటిల్‌ను ఖరారు చేశారు.ఈ చిత్ర ట్రైలర్‌ను బుధవారం విడుదల చేశారు. ట్రైలర్‌లో సంజయ్‌గా రణ్‌బీర్‌ తన గురించి తాను చెప్పుకొంటూ..'గుడ్‌ ఈవినింగ్‌ లేడీస్‌ అండ్‌ జెంటిల్‌మెన్‌. ఈరోజు నా జీవితంలో సంతోషకరమైన రోజు. ఎందుకంటే నా ఆత్మకథ మీ ముందుకు రాబోతోంది. బయోపిక్‌ తీసేంత వెరైటీ లైఫ్ ఎవరికి దొరుకుతుంది చెప్పండి. ఎందుకంటే నేనొక పోకిరిని, డ్రగ్స్‌కి అలవాటు పడినవాడిని. కానీ ఉగ్రవాదిని మాత్రం కాదు.' అని చెప్పడం హైలైట్‌గా నిలిచింది.