బాలి విమానాశ్రయంలో బొమ్మ బాంబుతో డేవిడ్ ఫోగ్లి (48) అనే బ్రిటన్ వ్యక్తి భయాందోళన సృష్టించాడు. బాలి నుంచి దోహా వెళ్లాల్సిన ఖతార్ ఎయిర్ వేస్ విమానం టేకాఫ్కు సిద్ధంగా ఉన్న సమయంలో.. అధికారులు డేవిడ్ను అతడితో పాటు వచ్చిన మరో మహిళా ప్యాసింజర్ను విమానం నుంచి కిందకు దింపేశారు. దీనికి కారణం డేవిడ్ వద్ద ఉన్న బొమ్మ. దీంతో అక్కడ కలకలం రేగింది. ఇద్దరిని విమానం నుంచి దింపేసి అధికారులు ప్రశ్నించారు. అది బొమ్మ అని, న్యూ ఇయర్ పార్టీ కోసం దానిని తీసుకెళ్లున్నట్లు డేవిడ్ చెప్పారు. కానీ ఈ బొమ్మకు డైనమైట్ స్టిక్స్, టైమర్ ఉన్నాయి. దీంతో అనుమానం వచ్చిన అధికారులు అతడిని పట్టుకున్నారు. అది బొమ్మ బాంబు అని నిర్ధారించారు. కానీ అతడిని బొమ్మ కొన్న దుకాణానికి తీసుకు వెళ్లి పరిశీలించారు. అలాంటి బొమ్మలు ఉండడంతో అతడిని వదిలేశారు.