దోహా: మినిస్ట్రీ ఆఫ్‌ మునిసిపాలిటీస్‌ అండ్‌ ఎన్విరాన్‌మెంట్‌, రెడ్‌ పామ్‌ వీవిల్‌పై ఖతార్‌ ప్రజల్ని అప్రమత్తం చేసింది. ఎర్రని రంగులో వుండే ఈ పురుగు ఎవరికైనా కన్పిస్తే వెంటనే, అగ్రికల్చరల్‌ ఎఫైర్స్‌ అండ్‌ ప్లాంట్‌ క్వారంటీన్‌ డిపార్ట్‌మెంట్‌కి సమాచారం అందించాలని మినిస్ట్రీ సూచించింది. రెడ్‌ పామ్‌ వీవిల్‌ లార్వా, పామ్‌ ట్రీస్‌ ట్రంక్స్‌లోకి చొచ్చుకుపోతాయి. మీటరు దూరం వరకు ఇవి వ్యాపిస్తాయి. తద్వారా పామ్‌ ట్రీస్‌ బలహీనమై, నేల కూలిపోతాయి. కోకనట్‌ పామ్‌, డేట్‌ పామ్‌, ఆయిల్‌ పామ్‌లకు ఈ పురుగు కారణంగా విపరీతమైన నష్టం వాటిల్లుతుంది. ఎరుపు రంగులో వుండే ఈ పురుగుపై నల్లని మచ్చలు వుంటాయి. 2.5 సెంటీ మీటర్ల పొడవు, 1.2 సెంటీమీటర్ల వెడల్పు వుంటాయివి.