ఆసియా కప్‌లో బంగ్లాదేశ్ మహిళల జట్టు చరిత్ర సృష్టించింది. భారత్‌ను 7 వికెట్ల తేడాతో  ఓడించింది.  కౌలాలంపూర్‌ వేదికగా జరుగుతున్న ఆసియా కప్‌లో  బంగ్లాదేశ్ మహిళల జట్టు అద్భుత  ఆట తీరును  కనబరిచింది.  తొలిసారి  భారత మహిళల జట్టుపై బంగ్లాదేశ్ మహిళల జట్టు గెలిపోదింది. తొలుత బ్యాటింగ్‌ చేసిన భారత్‌ నిర్ణీత 20 ఓవర్లలో ఏడు వికెట్ల నష్టానికి 141 పరుగులు చేసింది.  హర్మన్‌ప్రీత్‌ కౌర్‌(42), దీప్తి శర్మ(32) పరుగులతో రాణించారు.142 పరుగుల విజయ లక్ష్యంతో బరిలోకి దిగిన బంగ్లాదేశ్‌ 19.4 ఓవర్లలో 3 వికెట్లు కోల్పోయి  లక్ష్యాన్ని చేధించింది. దీంతో బంగ్లాదేశ్ ఏడు వికెట్ల తేడాతో విజయం సాధించింది.ఫర్‌గానా హోక్‌ (52 నాటౌట్‌) బంగ్లాదేశ్‌ విజయంలో కీలకపాత్ర పోషించింది.