నగరంలో బేగంపేటలోని రసూల్‌పురలో డబుల్‌ బెడ్‌ రూం ఇళ్ల నిర్మాణానికి ఐటీ, పంచాయతీ రాజ్‌ శాఖ మంత్రి కేటీఆర్‌ గురువారం శంకుస్థాపన చేశారు. జీహెచ్‌ఎంసీ పరిధిలో డబుల్‌ బెడ్‌రూమ్‌ పనులకు తెలంగాణ మంత్రులు శంకుస్థాపన చేస్తారు. ఈ కార్యక్రమంలో ఉప ముఖ్యమంత్రి మొహమద్ అలీ, నాయిని నర్సింహారెడ్డి, తలసాని శ్రీనివాస్ యాదవ్ సహా పలువురు మంత్రులు, ప్రజా ప్రతినిధులు పాల్గొన్నారు. వీటితో పాటు సూరారం చెరువు, గుర్రంచెరువు అభివృద్ధి పనులకు, రక్షాపురంలో మోడల్ మార్కెట్ కు శంకుస్థాపన చేయనున్నారు. కాగా ఈ నెల 15 తర్వాత జీహెచ్‌ఎంసీ ఎన్నికల నోటిఫికేషన్‌ విడుదల కానున్న నేపథ్యంలో ముందుగానే అభివృద్ధి పనులకు తెలంగాణ ప్రభుత్వం శంకుస్థాపనలు చేపట్టింది.