బహ్రెయిన్‌ ఇంటర్నేషనల్‌ ఎయిర్‌పోర్ట్‌ (బహ్రెయిన్‌), ఈద్‌ అల్‌ ఫితర్‌ సందర్భంగా 9 శాతం అదనంగా ట్రాఫిక్‌ నమోదు చేసింది. బహ్రెయిన్‌ ఎయిర్‌పోర్ట్‌ కంపెనీ (బిఎసి) ఈ విషయాన్ని వెల్లడించింది. ఈద్‌ పీరియడ్‌లో 142,725 మంది ప్రయాణీకులు బహ్రెయిన్‌ ఇంటర్నేషనల్‌ ఎయిర్‌పోర్ట్‌ నుంచి ప్రయాణించారు. గత ఏడాది ఇదే సమయంతో పోల్చితే ఈసారి 9 శాతం అదనం. విమానాల సంఖ్య పరంగా చూస్తే 8 శాతం అదనం. చీఫ ఎయిర్‌పోర్ట్‌ ఆపరేషన్స్‌ ఆఫీసర్‌ మిఖాయిల్‌ హోహోన్‌బర్గర్‌ మాట్లాడుతూ, బహ్రెయిన్‌ ఇంటర్నేషనల్‌ ఎయిర్‌పోర్ట్‌ స్మూత్‌గా, సమర్థవంతంగా ప్రయాణీకుల్ని ఈద్‌ సందర్భంగా డీల్‌ చేసిందని చెప్పారు. పెద్దయెత్తున ప్రయాణాలు జరిగినప్పుడూ సిబ్బంది సమర్థవంతంగా డీల్‌ చేయగలరన్న విషయం ఇంకోసారి ప్రూవ్‌ అయ్యిందని ఆయన వివరించారు. కొత్త టెర్మినల్‌ బిల్డింగ్‌ ప్రారంభమైతే 14 మిలియన్‌ ప్యాసింజర్లను (ఏడాదికి) హ్యాండిల్‌ చేసే సామర్థ్యం లభిస్తుంది.