బ్రదర్‌ ఆఫ్‌ బొమ్మాళి, సుడిగాడు చిత్రాల నటి మోనాల్‌ గజ్జర్‌ పెను ప్రమాదం నుంచి బయటపడ్డారు. స్నేహితుడి పుట్టిన రోజు కార్యక్రమానికి వెళుతూ ప్రమాదానికి గురయ్యారు. స్నేహితులతో కలిసి అహ్మదాబాద్‌ నుంచి ఉదయ్‌పుర్‌ వెళ్లారు. అనంతరం తిరిగి వస్తుండగా ఉదయ్‌పుర్‌ హైవేపై వారు ప్రయాణిస్తున్న కారు అదుపుతప్పి పల్టీలు కొట్టింది. దీంతో అందులోని ప్రయాణికులకు స్వల్ప గాయాలయ్యాయి. హీరోయిన్ మోనాల్‌ గజ్జర్‌ మెడకు దెబ్బతగిలింది. స్థానికులు  గమనించి క్షతగాత్రులను ఆసుపత్రికి తరలించారు. ప్రస్తుతం వారు చికిత్స పొందుతున్నారు. కాగా తాను మృతిచెందినట్టు వస్తున్న వార్తల్లో వాస్తవం లేదని కేవలం మెడకు దెబ్బ తగిలింది అని అభిమానులనుద్దేశించి మోనాల్‌ గజ్జర్‌ ట్వీట్ చేశారు.